史上最辛苦嘅工作
Updated: May 3
曾經看過某公司刊登「營運總監」職位空缺，面試時發現需要滿足以下要求：
大部分時間要企住工作，不斷彎腰，一星期135小時，甚至7x24。
只有當所有同事都吃完你先可以吃飯。
要有出色談判和人際交往技巧，具備醫學、金融會計、烹飪、藝術學位。
不斷關注共事的人，有時需要熬夜通宵。
能夠在混亂的環境中工作，沒有休假，包括感恩節、聖誕節、新年，所有週末，因為假期的工作量會更大。
沒有薪水。
參加invterview的真實面試者都一致拒絕，但其實呢個世界上有幾十億人都做緊。呢份接近無人性嘅工，就係「媽媽」啦！大家應該仲記得呢個2014年感動無數網民嘅video：
我哋好容易感動於陌生人小小嘅幫助，卻好少感恩身邊那位最愛你最用心照顧你嘅媽媽，成日“老奉“態度，仲經常向媽媽發脾氣。
每日收工翻來好攰，媽媽關心多幾句都會嫌佢囉嗦，一到休息放假又約曬朋友出去玩。我哋陪伴媽媽、屋企人嘅時間有幾多？
媽媽每日煮好飯，做家務，清潔好屋企，等我哋放學、收工翻到來可以舒舒服服休息。我哋有冇留意到因為日積月累用洗潔精，萬潔靈，再加上最近經常酒精搓手，媽媽嘅雙手已經變得粗糙，甚至有主婦手？
仲有兩個禮拜就係母親節喇，受疫情影響今年應該難d一家人出去食飯，送份貼心禮物俾媽媽都係唔錯嘅選擇！
Ms.Chu天然有機護膚品牌自家研製嘅護手霜，非常適合媽媽日常使用。好多護手霜搽完之後表面好滑，容易“善”手，媽媽怕唔方便做嘢就唔搽。我哋hand cream主要成份係無經提煉嘅乳木果油，可可油，搽完之後皮膚迅速吸收，滋潤雙手，唔笠亦唔會「滑散散」。
我哋仲加入咗五月嘅代表之花Lily of Valley essential oil鈴蘭花，可以令媽媽心情放鬆，亦會令皮膚更加緊緻。如果媽媽皮膚敏感、特別乾燥、有主婦手，護手霜不含防腐劑、任何致敏成分，可以有效舒緩紅腫痕癢，修復皮膚，重建手部皮膚屏障，經常洗手都唔怕傷手！
依家訂購護手霜，可以留言寫祝福語俾媽媽，我哋會打印上母親節咭上，連同護手霜隨環保紙盒一併寄出。
再同大家分享吓關於預防、治療主婦手嘅tips：
主婦手其實係一種手部的乾燥性濕疹，醫學名稱為接觸性刺激性皮膚炎。健康嘅皮膚有天然皮脂膜以及角質層保護，但當刺激物質反覆接觸、過度清潔、長時間接觸水，皮脂膜角質層受到損害，就可能紅腫、起水泡，滲出組織液，嚴重會皮膚裂開。
媽媽們洗衫洗碗時要盡量戴手套，避免直接接觸洗潔精、洗衣粉等刺激物。如果皮膚已有不適，戴手套要先戴棉質手套，再戴膠手套，以避免皮膚直接接觸膠手套而引起敏感反應。做完家務及時搽上護手霜，選用無人工香料、防腐劑（如甲醛、MIT、Parabens等致敏成分）的護膚產品，令皮膚補充天然油分，保護皮膚。嚴重時亦不建議自行到藥房購買藥膏，有機會是高強度類固醇藥膏，長期使用會令手部皮膚萎縮。
祝願所有媽媽母親節快樂，大家身體健康，平安喜樂！
想持續獲取關於濕疹皮膚、敏感皮膚的預防、治療信息歡迎訂閱我們的頻道。